Subject: «Araz»ın 3-cü rəqibi müəyyənləşib

Futzal üzrə UEFA kubokunun 2009-2010-cu il mövsümündə ikinci seçmə mərhələdən etibarən mübarizəyə başlayacaq «Araz» klubunun üçüncü rəqibi də müəyyənləşib. Bu, birinci seçmə mərhələnin B qrupunda bütün rəqiblərini məğlubiyyətə uğradan Kiprin «Omoniya» (Nikosiya) klubudur.
Xatırladaq ki, UEFA kubokunun ikinci seçmə mərhələsinin 5-ci qrupunda çıxış edəcək «Araz»ın əvvəlki iki rəqibi iyulun 2-də İsveçrənin Nyon şəhərində keçirilən püşkatma mərasimində müəyyənləşmişdi.
Beləliklə, «Araz»ın mübarizə aparacağı 5-ci qrupun tərkibini diqqətinizə çatdırırıq:
«Araz» (Azərbaycan)
MNC «Potpican» (Xorvatiya)
KMF «Kolubara Lazaraveç» (Serbiya)
«Omoniya» (Kipr)
Bu qrupun oyunları 26 sentyabr – 4 oktyabr aralığında Xorvatiyada keçiriləcək. Qarşılaşmaların dəqiq tarixi və vaxtı barədə saytımızda məlumat veriləcək.