Subject: Məntiqli şerlər

Gəlin burda məntiqi mənası olan seçilmiş şerləri yerləşdirək.Belədə Ədəbiyyata marağımızı artırarıq.
Amma çalışaq gün ərzində hərəyə 1-dən artıq şer yazmayaq.Çünki çox olanda oxumağada həvəs olmu çx vaxt. Necə deyərlər.Az yazağ,saz yazağ. Birini mən yazıram.


Sözləri Nüsrət Kəsəmənli

Oğru olmaq istəyirəm

Qoy milislər eşitməsin ,
Qorxulu bir sirr deyirəm :
Çoxdandır ki bir arzum var ,
Oğru olmaq istəyirəm !...
İnsanların arasından
Əqidəsiz adamları ,
Vicdanını pula satan
Nadanları
Oğurlamaq istəyirəm !
Bu torpağın gündən - günə ,
Niyə artır dərdi - səri ...
Dövlətlərin arasından
Sərhədləri
Oğurlamaq istəyirəm !
Axı , nə iş görmüşəm ki ,
Oğurluq da işdi barı .
Mən anamın sifətinə
Vaxtsız düşmüş qırışları
Oğurlamaq istəyirəm !...
Birisini yıxmaq üçün
İkisinin ülfətini ,
İnsanların ürəyindən
Hər kinini , nifrətini ,
Yalanını bundan ona ,
Ondan buna satanları ,
İki sevən arasında
O üçüncü adamları
Oğurlamaq istəyirəm !
Araz axır ...
O taydan da insan baxır ,
Bu taydan da insan baxır ,
Neçə milyon gözüyaşlı əzizimi ,
O həsrətli Təbrizimi
Oğurlamaq istəyirəm !
İndi neçə dövlətlərdən
Məzlumların ah - zarını ,
Yad torpaqda yatıb qalan ,
Əsrlərin arxasından
Qollarını çatıb qalan
Kərbəladan Fizulinin ,
Hələbdənsə Nəsiminin
Məzarını
Oğurlamaq istəyirəm .
Nə gizlədək ,
Bilir hamı
Tonqal çatıb yandırırlar
Bu cahanı .
Qəlbim deyir :
Bir Azəri məsəlini
yadına sal:
Oğrudan oğruya halal !...
Prometey oğurlayıb
İnsanlara verən odu
Oğurlamaq istəyirəm !
Lap qəzəbi tutsa belə
Yerin mənə , göyün mənə
Nə deyirsiz deyin mənə
Oğru olmaq istəyirəm !!!


(edited)

qaqa sene halaldi

O bunu hansisa saytda goturubXD

ne olsun zato lezet eledu men de bilirdim saytan goturub

http://www.boxca.com/8jr2q7stsjsa/ogru_olmaq_isteyirem.mp3.html

hemin sherin mp3 formasi qulaq asmaga deyer

mp3 formasi lap superdir bele seir mp3 formatda kim tapsa yerlesdirsin bura hec olmasa bir az qulagimiz menali soz esider )

Bu şeri canlı səslə Kürdəmirdə toyda eşitmişdim. Məqsəd Aranlı deyirdi. Özüdə Kürdəmirdəndi.

Daha bir şeir. Yenədə Nüsrət Kəsəmənlidən.

sözləri: Nüsret Kesemenli

Biri vardı, biri yox

Olan olub, keçen keçib belke de
Indi daha kövrelmeyin yeri yox
ömrüm boyu bele gelib menimki
Evvelinden biri vardı biri yox

Uzaqdaydı men isteyen ocaqlar,
üreyimden gelib keçdi sazaqlar.
Atalıydı analıydı uşaqlar,
Bizim evde biri vardı, biri yox

Gözlerime doldurmuşam yağışı
Bir köynekde çıxarmışam men qışı
Şalvar-pencek geyinirdi tay-tuşum
Mende ise biri vardı, biri yox

üzüm güldü telebeyem deyende
Sıxılırdım dost penceyi geyende
Müellimle dil tapa bilmeyende
Qiymetimin biri vardı, biri yox

Qelbim yandı ilk sevgimden, eşqimden
Dara düşdüm, el ummadım heç kimden
Meclislerde can deyib can eşiden
Dostlarımın biri vardı, biri yox

Men orduya neler görüb getmişdim
Ürek alıb, ürek qırıb getmişdim
Iki qıza könül verib getmişdim
Qayıdanda biri vardı, biri yox...

Uzaq gezdi emi, dayı, bibiler,
Söz arası mene "evlen" dediler
Nişan üçün iki şey istediler
Mende ise biri vardı, biri yox

Vaxt gelecek, bu günü göreceksen,
çox suala gözünü döyeceksen,
Vaxt gelecek sen özün deyeceksen
Deyeceksen: "Biri vardı, biri yox!"

sagol qaqa lezet eledi
(edited)

Futboldan ,qızdan mövzu açsaydım mövzu aktiv olardı. Ədəbiyyata maraq görürəm yoxdu bizlərdə.
Əslində isə Ən aktiv mövzulardan biri bu mövzu olmalı idi.

Məndə sığar iki* cahan, mən bu cahanə sığmazam,
Gövhəri laməkan mənəm, kövnü məkanə sığmazam.

Ərşlə fərşu kafü nun məndə bulundu cümlə çün,
Kəs sözunüvü əbsəm ol, şərhu bəyanə sığmazam.

Kövnü məkandır ayətim, zati dürür bidayətim,
Sən bu nişanla bil məni, bil ki, nişanə sığmazam.

Kimsə gümanə zənn ilə olmadı həqq ilə biliş,
Həqqi bilən bilir ki mən, zənnü gümanə sığmazam.

Surətə baxu mə'nini surət içində tanı kim,
Cism ilə can mənəm, vəli cism ilə canə sığmazam.

Həm sədəfəm, həm inciyəm, həşru sirat ədinciyəm,
Bunca qumaşu rəxt ilə mən bu dükanə sığmazam.

Gənci-nihan mənəm mən uş, eyni-əyan mənəm, mən uş,
Gövhəri-kan mənəm mən uş, bəhrəvu kanə sığmazam.

Gərçi mühiti-əzəməm, adım adəmdir, adəməm,
Dar ilə künfəkan mənəm, mən bu məkanə sığmazam.

Can ilə həm cahan mənəm, dəhrilə həm zaman mənəm,
Gör bu lətifeyi ki mən, dəhru zəmanə sığmazam.

Əncum ilə fələk mənəm, vəhy ilə həm mələk mənəm,
Çək dilinivu əbsəm ol mən bu lisanə sığmazam.

Zərrə mənəm, günəş mənəm, çar ilə pəncu şeş mənəm,
Surəti gör bəyan ilə, çünki bəyanə sığmazam.

Zat iləyəm sifat ilə, qədr iləyəm bərat ilə,
Gülşəkərəm nəbat ilə, bəstə dəhanə sığmazam.

Nar mənəm, şəcər mənəm, ərşə çıxan həcər mənəm,
Gör bu odun zəbanəsin, mən bu zəbanə sığmazam.

Şəms mənəm, qəmər mənəm, şəhd mənəm, şəkər mənəm,
Ruhi-rəvan bağışlaram, ruhi-rəvanə sığmazam.

Gərçi bu gün Nəsimiyəm, haşimiyəm, qureyşiyəm,
Bundan uludur ayətim, ayətü şanə sığmazam.


* Bəzi mənbələrə görə orijinal versiyada iki sözü ikən olmalıdır. Bu 20-ci illərin səhvi kimi göstərilir. Lakin əksər müasir nəşrlərdə iki kimi yazıldığından bu söz iki kimi verilmişdir.

Sagol eziyyete gore . Ele men yazacaqdim bu iki iken meselesi haqqinda gordum altinda sen yazmisan )..

Mənim fikrimə görə ikəndir. Çünki deyir məndə sığar iki cahan mən bu cahana sığmazam. iki olduğunda bu cahana yox bu cahanlara olmalıdır.
Amma Məndə sığarikən cahan , Mən bu cahana sığmazam daha məntiqlidir.

He duz deyirsen cox adam bele dusunur ..Lori dilinde desek turkun meseli menim icime cahan sigar mense bu cahana sigmazam deyir ..2 cahan meselesi duzgun deyil yani mentiqli deyil 2 cahan demesi,, cunki sufilikde 2 cahan meselesi yoxdur .Sadece bu dunya ve allah meselesi var .. bu baximdanda iken olmasi daha duzgundur

sag ol ferhad