Subject: "Ded Xasan" ın qətlini Rövşən Lənkəranski sifariş verib?

"Ded Xasan" özünə qarşı sui-qəsdin sifarişçisinin kim olduğuna aydınlıq gətirib



"Ded Xasan" ( Əsl adı Aslan Usoyan) bu günlərdə baş tutan kriminal liderlərin toplantısında “vəzifəsini” tərk etməyəcəyini bildirib. Aslan Usoyan onun qətlini sifariş edən şəxsin adını da açıqlayıb.

"Ded Xasan" əmin olduğunu bildirib ki, onun qətlini yalnız son vaxtlar Rusiya və Moskvada liderə çevrilən azərbaycanlı “qanuni oğru” Rövşən Caniyev (Rövşən Lənkəranski) sifariş verə bilər.

Rusiya mətbuatının yazdığına görə, Rövşən Lənkəranskinin liderlik etdiyi qruplaşma Çerkizov və bir çox meyvə-tərəvəz bazarlarına nəzarət edirdi, qruplaşmanın lideri Rövşən isə əsas cinayətkar klanların iki başçısı – "Ded Xasan" və Tariel Onianinin maraq sahələrinə daxil olaraq bütün yeni nüfuz dairələrini ələ keçirməyə başlayıb. Vaxtilə "Ded Xasan" azərbaycanlılardan ibarət qruplaşma liderinin kriminal aləmdən çıxarılması əmrini verdikdə isə bir zamanlar Usoyandan incik düşən gürcü “oğrular”ı Cemo və Mamuka Mikeladzenin müxalif qruplaşmaları və bəzi digər “avtoritetlər” Rövşən Lənkəranskinin müdafiəsinə qalxıblar. Düzdür, Rövşən Canıyev bu günlərdə Ukraynada sərhədləri qanunsuz olaraq keçməkdə ittiham olunaraq həbs edilib, lakin ola bilsin ki, o, kriminal liderlərin qəzəbindən gizlənməyə çalışıb.

Bununla belə, "Ded Xasan" təkcə onun qətlini sifariş verənin adını deyil, həmçinin ona sui-qəsd edənlərin də kim olduğunu açıqlayıb. Onun sözlərinə görə, bu, “Əshab” ekstremist qruplaşmasının killer briqadasıdır. Məlumat var ki, sifarişçilər icraçılardan sui-qəsdin “qanuni oğru” İvankova (Yaponçik) edilənin eynisi olmasını xahiş ediblər. Məqsəd hüquq-mühafizə orqanlarının fikrini Tariel Onianiyə yönəltmək olub.

Qeyd edək ki, kriminal aləmin güllələnən “xaç atası” Aslan Usoyan ötən həftə xəstəxanadan evə buraxılıb. O, evdə ambulator qaydada müalicə oluncaq. Usoyan özünə şəxsi mühafizəçi götürüb. Onun müalicəsini isə dostlarının seçdiyi həkimlər davam etdirəcək.

Xatırladaq ki, Rusiya kriminal aləminin ən nüfuzlu fiqurlarından sayılan Aslan Usoyan (“Ded Xasan” kimi tanınır) sentyabrın 17-də Moskvanın mərkəzində sui-qəsdə məruz qalıb. Kriminal avtoritetə odlu silahdan atəş açılıb. O, qarnından üç güllə yarası alıb.

Hücum Tver küçəsində yerli vaxtla saat 20.00-da (Bakı vaxtı ilə 21.00) baş verib. “Ded Xasan” evin alaqapısından çıxarkən atəş açılıb. Qatilin tək olduğu bildirilir.

“Ded Xasan” 27 fevral 1937-ci ildə Tiflisdə anadan olub. O, Rusiyanın ən məşhur və nüfuzlu kriminal avtoritetlərindən sayılır. Rusiya ərazisində, xüsusilə, Ural və ölkənin cənub regionlarında qafqazlıların mütəşəkkil cinayətkar dəstələri onun nəzarətində olub. “Ded Xasan” Moskva, Sankt-Peterburq şəhərlərində, Rusiyanın mərəzi regionlarında, bir sıra yaxın və uzaq xarici ölkələrdə nüfuz sahibi idi.

Əgər bu belədirsə fəxr etmək olar :) . Amma Azərbaycanlıların Rusiyada işləri çətin olacaq.

sen bele movzunu bura yazma,!!!burda cavan ushaglar bilmeyib neise duz yazmazdar sonra bash agrisina cevirile biler.ancag neynen fexr elediyini basha dushmedim?

Men bunu ne dali ne getireceyini demirem!!!sonra hansi progon buraxacagini demirem ve ..........voobshe bu movzunu Xacmaz bagla!!!!